今日報咗結他班~

2015年,對我來說是一個學音樂的一年~

年頭透過朋友知道有一種叫做夏威夷小結他的樂器， 之後去報個團購班，到後來睇完愛回家之後，覺得木偶哥彈結他好正! 之後做咗好少功課後就去咗買結他，上網學住先，CAPO都買埋 (因為有CAPO可以避開難噤嘅CHORD ^^'''), 為咗以最短嘅時間去學咗我勁鍾意嘅其中三首歌(<<逃出地球>>, <<不再說謊>>同<<木偶歌>>), 上網去揾譜，冇譜就去睇YOUTUBE，希望從中偷到師!  ^^

彈結他嘅感覺真係好正!可以暫時忘掉生活中的煩惱，加上一邊去學，最後彈到自己鍾意嘅歌，嗰鍾滿足感實在難以形容! 相對於滿足感，手指痛嘅問題已不是問題! 因為痛完又會驅使你再去彈過!

9月19日就開課了，要努力! 希望有一日可以好似木偶哥彈得咁勁! ^^ (雖然有啲大想頭^^)

如果木偶哥上網教結他就真係正到痺啦! ^^

其實覺得佢唱歌真係幾掂，起碼有自己風格，又唔斜氣，更堅嘅就係愛回家入面6首插曲包括<<小木偶的話>>, <<小天使的話>>, <<逃出地球>>, <<騙徒>>, <<不再說謊>>同<<木偶歌>>都係佢作曲，木偶哥加油!